ᓇᓄᕐᓄᑦ ᐱᒋᐊᖅᑕᐅᔪᒪᔪᑦ
ᐅᑎᖅᑎᑕᐅᔪᑦ ᓇᓄᕋᐃᑦ ᓄᓇᕗᒻᒧᑦ ᐊᑭᑐᓗᐊᙱᑦᑑᓪᓗᑎᒃ ᐊᑭᖏᑦ
ᒫᓐᓇᒧᑦ 70 ᓇᓄᐃᑦ ᐊᒥᖏᑦ ᑐᓂᔭᐅᓯᒪᓕᕐᑐᑦ ᓴᓇᐅᒐᓕᐅᖃᑦᑕᖅᑐᓄᑦ/ᒥᖅᓱᖅᑎᓄᑦ, ᐃᓕᓐᓂᐊᕐᕕᖕᓄᑦ, ᑮᓇᐅᔭᓕᐅᕋᓱᙱᖢᑎᒃ ᑲᑐᔾᔨᖃᑎᒌᓄᑦ ᓄᓇᕗᒦᑦᑐᓂᒃ.
ᐊᒧᔭᐅᓇᓱᖕᓂᖅ ᐊᒥᐊᒃᑯᓄᑦ ᐊᒥᕐᓄᑦ ᒪᑐᓚᐅᕐᑐᖅ ᐊᐃᑉᐹᓂ, ᓯᑎᐱᕆ 28-ᒥ. ᐊᒧᓯᓂᖅ ᒪᕐᕈᐃᓕᖓᖕᒪᑦ:
- ᓯᕗᓪᓕᕐᒥ ᐊᒧᓯᓚᐅᕐᓯᒪᔪᑦ 75-ᓄᑦ ᐊᒥᕐᓄᑦ, ᓄᓇᕗᒥᑦ ᐃᓄᖕᓄᑦ ᑐᕌᖓᓪᓗᓂ, ᐊᒻᒪᓗ ᐱᓕᕆᐊᖑᓚᐅᖅᖢᓂ, ᓯᑎᐱᕆ 29, 2021-ᒥ. ᑕᕝᕙᓂ ᐊᒧᓯᓐᓇᒥᒃ 100-ᓂ ᐱᓇᓱᒃᑐᖃᓚᐅᕐᑐᖅ.
- ᐊᐃᑉᐸᖓᓂ ᐊᒧᓯᓂᐊᖅᑐᑦ 75-ᓄᑦ ᐊᒥᕐᓄᑦ ᑖᒃᑯᐊ ᓯᕗᓪᓕᕐᒥᑦ ᐊᒧᔭᐅᔪᕕᓃᑦ ᓇᓗᓇᐃᖅᓯᕕᐅᓚᐅᖅᑎᓪᓗᒋᑦ.
ᐊᕙᑎᓕᕆᔨᒃᑯᑦ ᐱᒋᐊᓚᐅᕐᑐᑦ ᐊᒧᔭᐅᔪᓂᒃ ᖃᐅᔨᑎᑦᑎᑲᑕᒃᖢᑎᒃ, ᐊᒻᒪᓗ ᑖᒃᑯᐊ ᐅᓪᓗᓂ ᓴᓇᓐᓇᓂᒃ ᐊᑭᓕᐅᑎᒃᓴᖏᓐᓂᒃ ᑐᓂᓯᔭᕆᐊᖃᕋᔭᖅᖢᑎᒃ ᓂᐅᕕᕈᒪᒍᑎᒃ ᓇᓅᑉ ᐊᒥᖓᓂᒃ. ᓂᐅᕕᕈᒪᔪᓐᓃᑐᐃᓐᓇᕆᐊᖃᖅᑐᑦ ᐱᔪᒪᔪᓐᓃᕐᓂᕈᑎᒃ, ᐅᕝᕙᓘᓐᓃᑦ ᐊᒥᖅ ᐱᒋᔪᒪᔭᖓ ᐱᔭᐅᓐᓂᖅᐸᑦ.
ᓄᓇᕗᒥᑦ ᐃᓄᐃᑦ ᓯᕗᓪᓕᐅᑎᑕᐅᓚᐅᕐᑐᑦ ᐊᒧᓯᑲᑕᖕᓂᕐᒧᑦ, ᑭᓯᐊᓂᓕ ᓂᐅᕕᕈᓐᓇᙱᒃᑯᑎᒃ ᒫᓐᓇ ᐊᑎᖏᑦ ᐅᑎᖅᑎᑕᐅᓂᐊᖅᑐᑦ ᑭᖑᓪᓕᕐᒧᑦ ᐊᒧᔭᐅᓂᒃᓴᒧᑦ. ᑕᕝᕙᓂᓕ ᐊᒧᔭᐅᓇᓱᒃᑐᓂᒃ 216 ᐃᓅᙱᑦᑐᑦ ᐱᓇᓱᒃᑐᑦ.
ᓄᓇᕗᒥᑦ ᓄᓇᖃᖅᑐᑦ ᐊᔪᙱᑎᑕᐅᔪᑦ ᓂᐅᕕᕈᓐᓇᖅᑎᑕᐅᓪᓗᑎᒃ ᐊᒥᕐᓂᒃ, ᐊᒻᒪᓗ ᓂᐅᕕᕈᒪᔪᑦ ᐊᑕᐅᓯᖅ ᐃᒡᓗ ᐊᑕᐅᓯᕐᒥ ᐱᔪᓐᓇᖅᖢᓂ ᑭᓯᐊᓂᓕ ᐊᒥᐊᒃᑯᑕᖃᕐᓂᖅᐸᑦ ᐊᒥᕐᓂᒃ.
ᐊᒦᑦ ᓇᒡᓯᐅᔾᔭᐅᓂᐊᖅᑐᑦ ᓄᓇᓕᖕᓂ ᐊᖑᓇᓱᒃᑐᓕᕆᔨᓄᑦ ᑕᒪᒃᑯᐊ ᓂᐅᕕᖅᑐᑦ ᐊᐃᒃᖠᕈᓐᓇᕐᓂᐊᖅᖢᑎᒃ.
ᖃᓄᐃᓕᖓᓂᐅᔪᖅ
- ᓇᓄᕋᐅᑏᑦ ᓂᐅᕐᕈᑕᐅᓂᐊᖅᑐᑦ ᓄᓇᕗᒻᒥᐅᓄᑦ ᓄᓇᕗᒻᒦᑦᑐᓄᑦ.
- ᐊᑕᖏᖅᖢᑎᒃ ᓂᐅᕐᕈᑕᐅᔪᑦ ᐅᑎᖅᑎᑕᐅᔪᓐᓇᙱᑦᑐᑦ, ᐊᒻᒪᓗ ᐊᑕᖏᖅᖢᑎᒃ ᓇᓄᕋᐅᑏᑦ ᓂᐅᕐᕈᑕᐅᓂᐊᖅᑐᑦ “ᑕᐃᒪᐃᓕᖓᑎᓪᓗᒋᑦ”.
ᐱᐅᓂᖏᑦ ᐊᒻᒪᓗ ᐊᖏᓂᖏᑦ
ᓇᓄᕋᐅᑏᑦ ᐊᑕᖏᖅᖢᑎᒃ ᑲᒪᒋᔭᐅᓯᒪᙱᑦᑐᑦ (ᕿᑐᓕᓴᖅᑕᐅᓯᒪᙱᑦᑐᑦ) ᐊᒻᒪᓗ ᐊᔾᔨᒌᙱᑦᑐᑦ ᐱᐅᓂᖏᑦ ᑖᒃᑯᓇᙵᑦ ᐱᐅᔪᒻᒪᕆᖕᒥᑦ ᐱᐅᓗᐊᙱᑦᑐᒧᑦ, ᐊᒻᒪᓗ ᐊᑐᐃᓐᓇᐅᔪᑦ ᐊᖏᔪᒥᑦ ᐅᕝᕙᓘᓐᓃᑦ ᐊᖏᔪᒻᒪᕆᖕᒥᑦ.
A-ᖃᓄᐃᓕᖓᓂᖓ
(ᐱᐅᓛᓪᓚᕆᒃ)
ᐊᖏᔪᒻᒪᕆᒃ $800
ᐊᖏᔪᖅ $700
A-ᖃᓄᐃᓕᖓᓂᖓ (ᐱᐅᓛᓪᓚᕆᒃ)
ᓇᓗᓇᐃᔭᖅᓯᒪᓂᖏᑦ:
- ᖁᖅᓱᖅᑎᓯᒫᕐᔪᒃᑐᑦ.
- ᕿᓪᓕᖅᑐᐃᓐᓇᑲᓴᒃ ᒥᖅᑯᖓ.
C-ᖃᓄᐃᓕᖓᓂᖓ
(ᑕᐃᒪᐃᓕᖓᒐᔪᒃᑐᑦ)
ᐊᖏᔪᒻᒪᕆᒃ $350
ᐊᖏᔪᖅ $350
C-ᖃᓄᐃᓕᖓᓂᖓ (ᑕᐃᒪᐃᓕᖓᒐᔪᒃᑐᑦ)
ᓇᓗᓇᐃᔭᖅᓯᒪᓂᖏᑦ:
- ᖁᖅᓱᖅᑎᓯᒪᓂᐅᒐᔪᒃᑐᑦ.
- ᕿᓕᕈᖃᑐᐃᓐᓇᕆᐊᓕᒃ.
- ᐃᓚᖏᑦ ᐅᑎᓯᒫᕐᔪᒃᑐᑦ.
- ᐃᓚᖏᑦ ᐅᖁᕈᔫᑐᐃᓐᓇᕆᐊᓖᑦ.
D-ᖃᓄᐃᓕᖓᓂᖓ
(ᐱᐅᙱᑦᑐᖅ)
ᐊᖏᔪᒻᒪᕆᒃ $200
ᐊᖏᔪᖅ $200
D-ᖃᓄᐃᓕᖓᓂᖓ (ᐱᐅᙱᑦᑐᖅ)
ᓇᓗᓇᐃᔭᖅᓯᒪᓂᖏᑦ:
- ᖁᖅᓱᖅᑐᖅ.
- ᑎᐱᖃᑐᐃᓐᓇᕆᐊᓕᒃ.
- ᐅᖁᒃ/ᐅᖅᓲᑐᐃᓐᓇᕆᐊᓕᒃ.
- ᐊᖕᒪᔪᓕᒃ.
ᑖᒃᑯᐊ ᒐᕙᒪᖏᑦ ᓄᓇᕘᑉ ᓴᓇᕝᕕᐅᔪᖅ ᐊᕙᑎᓕᕆᓂᕐᒧᑦ ᐅᑎᖅᑎᑦᑎᓯᒪᔪᖅ ᓂᐅᕕᖅᑕᐅᓯᒪᙱᑦᑐᓂᒃ ᓇᓄᕋᐅᑎᓂᒃ ᐊᒥᕐᓄᑦ ᐊᑭᑦᑐᕋᐅᑎᕝᕕᖕᒥᑦ, ᐊᒻᒪᓗ ᐊᑐᐃᓐᓇᐅᑎᑦᑎᓕᖅᑐᑦ ᐊᑭᑐᓗᐊᙱᓪᓗᑎᒃ ᐊᑭᖏᑦ ᓄᓇᕗᒻᒥᐅᓄᑦ ᐊᑐᖅᖢᑎᒃ ᓇᓄᕐᓄᑦ ᐱᒋᐊᖅᑕᐅᔪᒪᔪᑦ.
ᐊᖑᓇᓱᒃᑏᑦ ᐃᓚᔮᖏᓪᓗ ᐊᖑᓇᓱᒃᑏᑦ ᐱᕕᖃᖅᑎᑕᐅᓚᐅᖅᑐᑦ ᓯᕗᓪᓕᖅᐸᐅᓗᑎᒃ ᓂᐅᕕᕈᓐᓇᕐᓗᑎᒃ ᓇᓄᕋᐅᑎᒥᖕᓂᒃ. ᓴᓇᕝᕕᐅᔪᖅ ᐊᑐᐃᓐᓇᐅᑎᑦᑎᓚᐅᕐᒥᔪᖅ ᓇᓄᕋᕐᓂᒃ ᐃᓕᓐᓂᐊᕐᕕᖕᒧᑦ ᐊᒻᒪᓗ ᑮᓇᐅᔾᔭᒃᓴᓇᓱᐊᙱᑦᑐᓄᑦ ᑎᒥᐅᔪᓄᑦ ᓄᓇᕘᒥᑦ.
ᑖᒃᑯᐊ ᐊᒥᐊᒃᑰᔪᑦ ᓇᓄᕋᐅᑏᑦ ᓂᐅᕐᕈᑕᐅᓂᐊᖅᑐᑦ ᓄᓇᕗᒻᒥᐅᓄᑦ ᐊᑭᑐᓗᐊᙱᓪᓗᑎᒃ ᐊᑭᖏᑦ. ᐊᔾᔨᒌᒃᑎᑦᑎᖁᓪᓗᒋᑦ ᑭᒃᑯᓕᒫᓂᒃ ᑖᒃᑯᐊ, ᓴᓇᕝᕕᐅᒧᖅ ᓂᐅᕐᕈᑎᖃᕐᓂᐊᖅᑐᖅ ᓇᓄᕋᐅᑎᓂᒃ ᐊᑐᕐᓗᑎᒃ ᐊᒥᓯᖃᑦᑕᕐᓂᕐᒃ ᓵᓚᒃᓴᖅᑐᑦ ᐱᕕᖃᖅᑎᑕᐅᓗᑎᒃ 72 ᐃᑲᕐᕋᓂᒃ ᓂᐅᕕᕈᓐᓇᖁᓪᓗᒋᑦ ᐊᒥᐊᒃᑯᓂᒃ ᐱᓯᒪᔭᐅᔪᓂᒃ.
ᐅᐱᕈᓱᒃᑐᒍᑦ ᓄᓇᓕᖕᓂᑦ ᐱᔭᐅᔪᒪᕐᔪᐊᓂᐊᕐᒪᑕ ᑖᒃᑯᐊ ᐊᒥᐊᒃᑯᑦ ᓇᓄᕋᐅᑏᑦ, ᐊᒻᒪᓗ ᓄᓇᕗᒻᒥᐅᑦ ᓴᖅᑭᔮᖅᑎᑦᑎᓂᐊᖅᑐᑦ ᐃᑲᔪᖅᓱᐃᓂᕐᒥᖕᓂᒃ ᓄᓇᓕᖕᓂᑦ ᐊᖑᓇᓱᒃᑎᓂᒃ ᐊᒻᒪᓗ ᖁᔭᓕᕆᐊᖅᖢᑎᒃ ᐊᑐᕐᓗᓂᔾᔪᒡᓗ ᓇᓄᕋᐅᑏᑦ ᐊᒥᓱᓄᑦ ᐊᕐᕌᒍᓄᑦ ᖃᐅᔪᓄᑦ.
ᖃᐅᔨᒋᐊᕐᕕᒋᑎᒍᑦ
ᔮᓐ ᓃᓕ